काठमाडौं – २०२३ को विश्वकपमा भारतीय खेलाडीहरुले तरंग मच्चाइरहेका छन् । ब्याटिङ र बलिङका ९ फरक मापदण्डमा भारतीय खेलाडी शीर्ष स्थानमा रहेको तथ्यबाट मात्रै यसको अनुमान लगाउन सकिन्छ ।
WC 2023 शीर्ष तथ्यहरुमा यी निम्न ९ स्थानमा भारतीय क्रिकेटका खेलाडी अग्रस्थानमा छन् :
१. सर्वाधिक रन जोड्न सफल:
विराट कोहली विश्वकप २०२३ मा रन बनाउने हिसाबले शीर्ष स्थानमा छन्। उनले १० खेलमा ७११ रन बनाएका छन् । उनी दोस्रो खेलाडीभन्दा १००+ रनले अगाडि छन्।
२. सर्वाधिक विकेट लिन सफल:
मोहम्मद शामी यस मामिलामा नम्बर १ छन्। उनले ६ खेलमा २३ विकेट लिएका छन् । दोस्रो स्थानमा एडम जाम्पा छन्, जसको खातामा २२ विकेट छ।
३. सर्वाधिक छक्का प्रहार:
भारतीय ब्याट्सम्यान रोहित शर्माले यस विश्वकपमा सर्वाधिक २८ छक्का प्रहार गर्दै पहिलो स्थानमा रहेका छन् । दोस्रो स्थानमा भने श्रेयस अय्यरले अहिलेसम्म २४ छक्का प्रहार गरिसकेका छन् ।
४. उत्कृष्ट बलिङ इनिङ्सः
यस विश्वकपमा मोहम्मद शामीको नाम पहिलो स्थान मा आएको छ । न्युजिल्याण्ड विरुद्धको सेमिफाइनलमा ५७ रनमा ७ विकेट लिएर उनले यो विश्वकपमा एक इनिङ्समा उत्कृष्ट बलरको रुपमा आफ्नो नाम पनि दर्ता गराए ।
५. उच्चतम ब्याटिङ औसत:
मास्टर ब्लास्टर विराट कोहलीले यस विश्वकपमा १०१.५७ को अविश्वसनीय ब्याटिङ औसतमा रन बनाएका छन् ।
६.बेस्ट इकोनोमी रन रेट:
विश्वकप २०२३ मा १० ओभरभन्दा बढी बलिङ गर्ने बलरहरूको विश्लेषण गर्नु पर्दा बुमराहको इकोनोमी रेट सबैभन्दा राम्रो छ। उनले अहिलेसम्म ३.९८ रन प्रति ओभरको औसतमा खर्च गरेका छन् ।
७. सर्वाधिक ५०+ इनिङ्स:
मास्टर ब्लास्टर विराट कोहलीले यस विश्वकपमा १० इनिङमा ८ पटक ५० भन्दा बढी रन बनाएका छन्।
८. उत्कृष्ट बलिङ औसत:
भारतीय वेस्ट बलर मोहम्मद शामीको नाम पहिलो स्थानमा आउँछ। यस विश्वकपमा उनले १० ओभरभन्दा बढी बलिङ गर्ने बलरमध्ये सबै भन्दा उत्कृष्ट बलिङ औसतमा विकेट लिएका छन् । उनको बलिङको औसत जम्मा ९.१३ रहेको छ ।
९. उत्कृष्ट बलिङ स्ट्राइक रेटः
मोहम्मद शमी यस मामिलामा पनि शीर्ष स्थानमा छन्। विश्वकप २०२३ मा १० ओभरभन्दा बढी बलिङ गर्ने बलरमध्ये उनी उत्कृष्ट बलिङ स्ट्राइकसहित विकेट लिने खेलाडी हुन्। उनले हरेक ११ औं बलमा एक विकेट लिएका छन् ।
